НОВИ САД – Марцовске число часопису за дзеци Заградка понука стаємни рубрики, а после постера з друкованим буквами котри обявени у октобру, на тот завод обявени постер з писанима буквами.
У рубрики Пречитали и роздумали читаче можу здумац и виприповедац приповедку у сличкох, а у тим чишлє Сцеме знац и упознац представени млади огньогасци з Руского Керестура.
Цо то щесце пише у рубрики Радио у Заградки, а Сара Кашовски зоз Дюрдьова представела свойого папаґая Кики.
У Читальнї понукнути писнї наших авторох, а єдна пошвецена и наиходзацей Велькей ноци.
Мала Заградка на своїх бокох ма писньочку у сличкох, Вельконоцни квизчок и Малу ґалерию.
Состави и русинки вредних сотруднїкох обявени у рубрики Школярски роботи, а од велїх активносцох найзначнєйши зазначени на бокох Госци и новосци.
На самим концу єст Забавни боки и напис о безпечносци на интернету, як и Заградкова ґалерия.