РУСКИ КЕРЕСТУР – Тих дньох у Руским Керестуре предлужена реконструкция драги Руски Керестур–Крущич. Стреду и штварток ше знїмало верхнє пасмо асфалту, док ше тих дньох обчекує вилїванє нового пасма у Русинскей улїчки, у часци од улїци Маршала Тита по Роботнїцку улїчку, та драга за превозки заварта.
Здогаднїме, по словох министра будовательства, транспорту и инфраструктури Ґорана Весича, хтори нащивел роботи 10. новембра, драга будзе преширена на 6 метери, длужини коло 6 километри, и теди наявене же би роботи требали буц закончени по фебруар.
– Роботи ше дакус одцагли, алє треба мац толеранциї. Часто ше плани и їх реализация знаю погубиц. Важне же роботи предлужени, и же нова драга будзе аж по центер, и уж чекаме же, док ше закончи тоту реконструкцию драги, же ше почнє нову – драгу Керестур–Лалить – визначел секретар Месней заєднїци Михайло Пашо.
