РУСКИ КЕРЕСТУР – Вчера вечар, 14. марца, на 18 годзин у велькей сали Дома култури отримана месна смотра рецитаторох „Поето народа мойого“.
Уж традицийно смотру отворели наймладши рецитаторе зоз ПУ „Бамби“ Доротеа Чизмар и Феликс Ковач, котрих прихтали воспитачки Блаженка Мецек и Ясмина Чапко. У младшим, штреднїм и старшим возросту ше змагали 18. рецитаторе, а длугорочна селекторка смотри Слободанка Настасич зоз фахову сотруднїцу за руски язик Амалию Ковач, обидва зоз Кули, вибрали найлєпших рецитаторох на тим змаганю.
У наймладшим возросту перше место освоєла Кристина Рамач, друге Олеґ Катона, а треце место Михаела Малацко.
У штреднїм возросту найлєпши бул Исак Новта, друга була Милена Рамач, а треце место завжала Мая Надь.
У найстаршим возросту участвовали тройо рецитаторе котри посцигли шлїдуюци успих: перше место завжал Александар Планкош, друге Яна Варґа, а треце Ема Живкович.
На месней смотри участвовал и Лука Ноґавица зоз Кули, котри наступел на кересутрскей смотри же би го селекторка оценєла, бо нє годзен наступиц на смотри у Кули.
Рецитаторох пририхтали фахово сотруднїки Оленка Живкович, Александар Планкош, и Мирослав Малацко.
Хтори ше рецитаторе пласовали на општинску смотру, котра будзе у Крущичу 24. марца селекторка обяви док вислуха рецитаотрох у шицких местох кулскей општини.
Найлєпши рецитаторе достали награди, кнїжки котри за перши места у шицких возростох обезпечела Култруно-просвитна заєднїца општини Кула, док награди за друге и треце место обезпечела НВУ „Руске слово“.
