НОВИ САД – На шицки виданя НВУ „Руске слово” новини и часописи – „Руске слово”, „Заградку”, МАК и „Шветлосц” – можеце ше предплациц и у PDF фомату у динарох и еврох.
Цена рочней предплати подобна як и друкованих виданьох, а на тот способ лєм швидше и тирвацше до вас дойду и останю вам виданя НВУ „Руске слово”, гоч у котрей сце точки швета.
КЕЛЬО КОШТА PDF?
Цена рочней предплати у PDF фомату, у Сербиї и иножемству: „Руске слово” – 20 еври (2.000 дин), „Заградка”, МАК и „Шветлосц” – 10 еври (1.000 дин), а детальнєйше можеце найсц на сайту https://www.ruskeslovo.com у катеґориї ценовнїк/предплата у жеми и иножемстве – на тим линку.
ЯК НАРУЧИЦ?
На мейл НВУ „Руске слово” – rsfin@ruskeslovo.com, послац мейл зоз меном и презвиском того хто наручує.
Сцигню вам инструкциї плаценя и после того як на рахунок НВУ „Руске слово” уплацице наведзену суму (у зависносци чи зоз Сербиї, чи з иножемства), док ше окончи трансакция, исти дзень вам сцигнє перши прикладнїк у PDF фомату.
НВУ „Руске слово” наруджби е-предплатох прима од пондзелку по пияток, од 9 по 14 годзин, по штреднєевропским чаше (Belgrade, CET-Central European Time, UTC/GMT +1 hour).
ЯК ПЛАЦИЦ?
Заинтересовани особи хтори пошлю податки треба же би уплацели спрам инструкцийох и то так же би шицки трошки трансакциї зношел тот хто наручує е-предплату новинох або часописох. Значи, на рахунок НВУ „Руске слово” треба же би сцигло за „Руске слово” – 20 еври (2.000 дин), „Заградку”, МАК и „Шветлосц” – 10 еври (1.000 дин), у зависносци за хторе сце виданє заинтересовани и уплацуєце.
ДОДАТНИ ПИТАНЯ?
Представительство НВУ „Руске слово” – у Новим Садзе на адреси Футожска 2, ІІІ поверх (од 9 по 14 годзин) телефон 021/6613-697, мейл: rsfin@ruskeslovo.com