КОЦУР – Означованє Дня школи у Основней школи „Братство єдинство” з Коцура, котре мало буц нєшка, 9. мая, преложене за други датум.
По словох директорки Основней школи Сенки Мученски, пре траґедию котра ше прешлого тижня случела у Основней школи „Владислав Рибникар” у Беоґрадзе, догварене же би преслава и програма яка ше каждого року орґанизує у коцурскей школи нє була отримана на нєшкайши дзень.
Преслава з нагоди Дня школи у Коцуре будзе отримана у наиходзацим периоду, а о точним датуму преслави и програми школяре и шицки други буду благочасово информовани.