РУСКИ КЕРЕСТУР – Нєдзелю Шицких Святих, швето кед ше по нашим звичаю модлїме за покойних, при крижу на штред теметова, вирни, вєдно зоз священїками, означели зоз заєднїцку грамоталну панахиду.
После заєднїцкей панахиди присутни священїкове керестурски парох о. Владислав Варґа, о. Владимир Медєши и о. Ярослав Варґа були на розполаганю вирним вимодлїц молитви при гробох їх блїзких.
Керестурски парох вимодлєл и панахиди за покойних керестурских парохох о. Михайла Малацка, о. Михайла Макая и Шестрох НДМ як и Исусових малих шестрох котри поховани на керестурским теметове.
Вирни ше на таки способ помодлєли за своїх блїзких и милих покойних.
