БИКИЧ – Нєшка (пияток) до Бикичу допутую фодбалере зоз Ґерлахова зоз Словацкей Републики, хтори у Сриме одбавя два приятельски стретнуца.
На соботу на 14 годзин буду бавиц зоз домашнїм ОФК „Бикич”, а на нєдзелю на 13 годзин одбавя стретнуце зоз ФК „Єднота” у Шидзе.
По словох Деяна Бобаля, предсидателя КПД „Иван Котляревски“, сотруднїцтво медзи двома местами, Бикичом и Ґерлаховом, як и фодбалскима клубами з тих местох тирва од 2015. року. Медзитим, пре одредзени обєктивни причини, сотруднїцтво було у зациху по тераз, кед фодбалере з Ґерлахова пришли до Бикичу, а Бикичанє ше на яр рихтаю пойсц госцовац до Ґерлахова.