Пририхтованя за конґрес Руснацох

автор Ол. Папуґа
712 Опатрене

НОВИ САД – Конститутивна схадзка Орґанизацийного одбору 17. Шветового конґресу Русинох/Руснацох/Лемкох отримана, стреду 22. марца у Руским културним центру у Новим Садзе, а конґрес будзе отримани, у орґанизациї Рускей матки, у Новим Садзе од 17. по 19. авґуст 2023. року.  

Присутни на схадзки ше догварели же предсидатель Орґанизацийного одбору XVII  Шветового конґресу Русинох/Руснацох/Лемкох будзе проф. др Михайло Фейса, предсидателька Конґресней комисиї  за просвиту и язик Русинох/Руснацох/Лемкох будзе Олена Папуґа, члени буду Блажена Хома Цветкович, мср Славица Чельовски, Наташа Перкович, Соня Дюрко Надь и Нада Загорянски.  Конґресну комисию за културу буду твориц Наташа Макаї Мудрох (предсидателька), Мелания Мали, Владо Няради, др Валентина Чизмар, Владимир Балащак, проф. др Михал Будински, Катарина Фейди, Мария Дорошки, Мария Бесерминї, а комисию за историю проф. др Михайло Фейса, а будзе ше бешедовац зоз Борисом Фейдийом, Деяном Бучком, Павлом Романом, Михаилом Рамачом, Владиславом Цапом, Михайлом Катоном же би прилапели буц у комисиї. Попри тих комисийох Конґрес ма ище комисию за  информованє и видавательну дїялносц у хторей будзе  Оля Хома (предсидателька), Саня Маркович, Дюра Папуґа, Мирон Джуня, о. Михаил Холошняй и комисию за медзисобне сотруднїцтво членских орґанизацийох ШКРРЛ, розвой туризму и виробок проєктох  у хторей предсидатель будзе Стеван Самочета а члени Владимир Бучко, Анита Ґовля, Леона Станисавлєвич, Мирослав Ковач.

 Под час Конґресу будзе вистава и поетски вечар у Културним центру Войводини  за хтори задлужени др Валентина Чизмар и Владо Няради, а за културно-уметнїцку програму у Сербским народним театру Наташа Макаї Мудрох и Мелания Мали, за привит делеґатох и госцох на Фрушкей Гори будзе одвичательни Милан Ґнип, за делеґатох и госцох на Филозофским факултету Зинаида Будински, за Науково-фахову конференцию ˮШветова русинистика нєшка и у будучносциˮ и нащиву Матици сербскей  проф. др Михайло Фейса, за нащиву Петроварадинскей твердинї и єй катакомбох Стеван Самочета, за театралну представу  Владимир Балащак, а за Форум младих – Катарина Фейди.

ПОВЯЗАНИ ТЕКСТИ