ВЕРБАС – У Грекокатолїцкей церкви Покрова Пресвятей Богородици у Старим Вербаше внєдзелю, 31. мая вирни означели швето Сошествиє Святого Духа – Русадля.
Вельку Службу Божу служел парох старовербаски о. Алексий Гудак, а у своєй казанї здогаднул яке значенє ноши швето Сошествия Святого Духа. Надпомнул же тото швето воламе и Пейдзешатнїца, понеже означує зиходзенє Святого Духа на апостолох 50 днї по Исусовим воскресеню.
На Русадля по церкви були порозтресани конарчки трави, же би цала церква, як гварел о. Гудак, була прикрашена и облєчена до желєного. Парохиянє виплєтали венчики зоз трави, хтори однєсли до своїх домох и прикрашели их на тото швето.
