КУЛА – Младши катеґориї Фодбалского клуба „Русин” внєдзелю 18. мая у Кули одбавели три стретнуца у рамикох Розвойней лиґи и зазначели єдну побиду, єдно стретнуце одбавели нєришено, док єдно стретнуцє страцели.
На тих стретнуцох бавели дзеци хтори ходза до першей, трецей и штвартей класи основней школи.
1. ФК Кула С 2017 – ФК Русин 2017 – 2:3. Ґоли за екипу Русина 2017 дали: Матей Югик (1), Павле Папуґа (1) и Лука Папуґа (1).
2. ФК Кула С 2015 – ФК Русин 2015 – 1:1. Ґол за екипу Русина 2015 дал: Стефан Такач (1).
3. ФК Кула С 2014 – ФК Русин 2014 – 2:1. Ґол за екипу Русина 2014 дал: Давид Гарди (1).
Млади русиновци одбавели и пририхтуюце стретнуце всоботу 17. мая у Лалитю процив екипи ФК „Панония”, дзе одмерали моци процив парнякох зоз Лалитю. На тим стретнуцу бавели дзеци хтори ходза до другей класи основней школи.
ФК Панония (Лалить) 2016 – ФК Русин 2016 – 5:3. Ґоли за екипу Русина 2016 дали: Милан Цвєтичанин (2) и Лени Грнчар (1).
Тренер – Зденко Шомодї.
Шлїдуюце пририхтуюце стретнуце ФК „Русин” будзе бавиц процив екипи ФК Червинка.
