БЕРКАСОВО/БИКИЧ – У Церкви святого архангела Михаила у Беркасове, по словох пароха о. Владимира Еделинския Миколки, на Вельки пияток хованє Христово з покладаом плащанїци будзе на 17 годзин, а на нєдзелю 5. мая, перши дзень швета Велька ноц, Служба Божа з пошвецаньом паскох будзе служена на 10:30 годзин.
На други дзень швета, пондзелок, 6. мая Служба Божа будзе служена на 10:30 годзин, а того дня на 14 годзин парох Еделински будзе благословиц гроби на валалским теметове.
У Церкви Успеня Пресвятей Богородици у Бикичу на Вельки пияток хованє Христово будзе на 15 годзин, а на перши дзень швета на нєдзелю, 5. мая Служба Божа будзе служена на 8 годзин и буду пошвецени паски.
На пондзелок, 6. мая другого дня швета Служба Божа будзе служена на 9 годзин, а пополадню того дня на 15 годзин о. Еделински будзе благословиц гроби на теметове у Бикичу.
