Служби у вельконоцним тижню у коцурскей церкви

автор Ол. Русковски
281 Опатрене

КОЦУР – У грекокатолїцкей церкви Успения пресвятей Богородици у Коцуре нєшка Вельки штварток котри будзе означени з Вечурню и Службу Божу святого Василия Велького (Тайна вечера) на 19 годзин.

На ютре, на Вельки пияток, строги пост. Рано на 8 годзин Утриня (12 Страсни eвангелиї), на 15 годзин Вечурня зоз плащанїцу (хованє Исусово), а на 19 годзин будзе Дзевятнїца до Божого милосердия. На 20 годзин Єрусалимска утриня (плач Мацери Божей).

Велька собота, 15. априла, дзень цихей молитви, а од 21 годзин будзе Вельконоцне всеночне, Служба Божа и Воскресна утриня, зоз обходом.

На нєдзелю, 16. априла, Пасха, Воскресенє Христово. Перша Служба Божа того дня будзе Дзецинска на 8 годзин, а потим на 10 годзин почнє Велька святочна Служба Божа зоз пошвецаньом паскох. На 16 годзин будзе Вечурня воскресна.

На Шветли пондзелок, 17. априла, будзе мированє. На 7:10 годзин почнє Утриня, од 8 годзин Мала Служба Божа, потим на 10 годзин Велька Служба Божа, а на 19 годзин Вечарша.

На Шветли вовторок богослуженя буду отримани як и пондзелок.

ПОВЯЗАНИ ТЕКСТИ