ДЮРДЬОВ – У остатнїм 30. колу Перша новосадскей лиґи, хторе одбавене 10. юния у Дюрдьове, фодбалере ФК Бачка 1923 зоз Дюрдьова бавели у стретнуцу зоз фодбалерами ФК Єдинство зоз Ґосподїнцох зоз резултатом 3:0.
Перши ґол на стретнуцу бул за Бачку у 18. минути, цо дюрдьовским фодбалером дало мотивацию же би ище лєпше бавели. Но, тото стретнуце закончене вельо скорей, як цо ше очековало. Уж у 20. минути, пре покалїченє бавяча и менше число фодбалерох госци придали стретнуце. Пре новонасталу ситуацию, стретнуце реґистроване зоз службеним резултатом 3:0 (пар-форфе.).
После остатнього кола у ярнєй часци першенства, Бачка завжала пияте место на таблїчки зоз пейдзешат єдним бодом.