НОВЕ ОРАХОВО – Богоявленє, єдно з найвекших християнских шветох, преславене штварток, 19. януара у нашей церкви у Новим Орахове зоз Службу Божу хтору служел о. Владислав Рац.
Тото швето преславя случованє кед Святи Йоан Креститель кресцел Исуса на рики Йордан. Кед Исус виходзел з води отворело ше нєбо и Святи дух у форми голубици зишол на Исуса Христа и було чуц глас „То син Божи, хтори по моєй дзеки”. На тот дзень ше у церкви швеци воду хтора ма чудотворну моц. Наш народ вше у своїм обисцу ма воду хтора пошвецена на Богоявленє и барз ю почитує. Зоз тоту воду ше пошвеца обисца, гроби, хаснує ше на кресцинох, з ню ше швеци паски на Вельку ноц, дава ше пиц хорим, з єдним словом хаснує ше у шицких чловекових потребох.
У ораховскей церкви, штварток 19. януара було досц вирних хтори однєсли до своїх домох воду хтору о. Владислав Рац пошвецел.