НОВИ САД – Тижньово новини „Руске слово” у 2024. року подрагшаю зоз 40 на 50 динари за єден прикладнїк. То значи же предплата зоз терашнїх 2.000 динари за 50 прикладнїки (у року єст два двочисла) новинох „Руске слово” будзе коштац 2.500 динари.
Така одлука принєшена после того як подрагшали шицки трошки, окреме друкованя и дистрибуованя новинох. Плановане цену пременїц у тим року, алє ше одустало праве прето же би ше нє очкодовало тих цо маю найменши приманя.
Информуєме читачох же вкупна цена друкованя єдного прикладнїка новинох „Руске слово” у фарбох и на квалитетним паперу и його дистрибуция кошта вецей як 100 динари по числу. Розлика од реалней цени плацена зоз средствох Установи.
По истей цени будзе и предплата е-новинох „Руске слово” у PDF формату.