НОВИ САД – У найновшим 28. чишлє новинох Руске слово на Тижньовнїку мож пречитац о богатим видавательстве Новинско-видавательней установи Руске слово.
На бокох Нашо места, медзи иншим, мож пречитац о еколоґийней катастрофи пре загинуце риби у Коцуре и Вербаше. На бокох Економиї текст о жатви жита по наших местох.
На бокох Култури и просвити звит зоз путованя керестурских штредньошколцох на праксу до Греческей, а у рубрики Людзе, роки, живот стретнуце зоз Лидию Юрак зоз Чаковцу, зоз Републики Горватскей.
На бокох Дружтва мож пречитац першу часц фельтону о кнїжки „Як гуторя дїдове, швет бул давно иншаки”, хтору написал о. Владимир Еделински Миколка, а Духовни живот пише о нащиви госцох зоз Словацкей.
На бокох Спорту, медзи иншим, мож пречитац о початку Ноцного турнира у малим фодбалу у Руским Керестуре.
У тим чишле вишли додатки Руснаци у швеце и Мозаїк, а на концу новинох порядна рубрика за кухарох и кухарки Хладок и горуци тепши.