НОВИ САД – У штерацец другим чишлє новинох „Руске слово” у рубрики Тижньовнїк обявени текст о тим же зоз Буджетского фонду Влади Сербиї нашо институциї и здруженя достали 2 милиони динари.
У рубрики Економия текст о нїзких одкупних ценох кукурици, жита, сої и о тим же хто може, чекац лєпшу цену.
На бокох култури и просвити тексти о тим як Хлопска шпивацка ґрупа Дома култури Руски Керестур на 51. Собору народней творчосци Сербиї, представяла Войводину и о самостойней вистави нашого визначного маляра Владимира Дороґхазия у Новим Садзе у Ґалериї Дружтва писательох Войводини.
У рубрики Людзе, роки, живот, представени Новосадян Михайло Ждиняк по походзеню зоз Шиду, а у рубрики Духовни живот текст о Кирбаю у Старим Вербаше.
На бокох рубрики Спорт тексти о спортских змаганьох у наших местох. Медзи иншим ту и текст о 4. колу Розвойней фодбалскей лиґи, на хторим Русиново когуцики и пионире одбавели 5 стретнуца и посцигли одлични резултати.
Як додатки у тим чишлє вишли Руске словечко и Дом и фамелия, а ту и рубрика Горуци тепши.