НОВИ САД – Єденасте число новинох „Руске слово” на своїх бокох приниши вельо теми вредни уваги читачом.
На Тижньовнїку обявени звит зоз схадзки Вивершного одбору Националного совиту Руснацох на хторей прилапени звити палнох и финансийох Совиту, предсидателя Совиту як и трох наших институцийох хторим снователь Национални совит.
У рубрики Нашо места з тей нагоди визначени тексти о Рочней скупштини Здруженя женох „Байка”, роботней акциї на засипованю дильовох у Руским Керестуре, як и о вельким ґеотермалним потенциялу у Кули и проєкту за змоцньованю положеня женох у Шидзе.
На бокох Економиї обявени текст о пестованю и предаваню квеца и о продукциї и предаваню жита по нових правилох. Теми у рубрики Духовни живот пошвецени хресней драги до Водици, а наявени и Емаус фест за 1. юний и Каритасов Вельконоцни вашар.
Рубрика Култура и просвита у тим чишлє приноши тексти о применьованю концепта поднїмательного образованя, як и о означованю Медзинародного дня женох по наших местох. У рубрики людзе роки живот обявена репортажа, стретнуце зоз фамелию Стриберових Милї и Миколи зоз Коцура.
У першим плану рубрики Спорт звити зоз прешлотижньових першенствених стретнуцох наших клубох и успихох шахистох зоз Руского Керестура и каратисти Ґлорияна Штранґара.
У тим числу обявени и додаток Мозаїк.