НОВИ КНЕЖЕВАЦ – Рукометни клуб „Русин” всоботу 12. априла на терену штреднєй школи у Новим Кнежевцу одбавел шесте першенствене стретнуце другей полусезони Трецей лиґи Войводини процив екипи РК „Обилич” и зазначел важну побиду зоз резултатом 22:28 (8:12).
За РК „Русин” наступели – Виктор Микита (c), Матия Чапко, Славко Гербут, Борис Югик, Мирослав Виславски, Предраґ Марянац, Иґор Варґа и Филип Тома.
Ґоли за екипу Русина дали: Славко Гербут (12), Виктор Микита (5), Борис Югик (4), Филип Тома (3), Мирослав Виславски (2) и Иґор Варґа (2).
У остатнїм 14. першенственим колу Трецей лиґи Войводини, РК „Русин” будзе бавиц у Руским Керестуре процив екипи РК „Гайдук” зоз Чуруґу.