БАЧ – Карате клуб Русин початком мешаца участвовал на Вельконоцним турниру у каратеу у Бачу, а каратисти зазначели красни резултати.
На змаганю участвовали 20 реґионални клуби, на хторим ше змагали 220 змагательох. На тим змаганю участвовал и КК „Русин” за хтори ше змагали: Леонтина Балинд, Александра Кекень, Виктор Шимко, Миа Сабо, Михаела Сендерак и Ерик Грубеня.
Нашо каратисти були успишни и на тим змаганю, а зазначели шлїдуюци резултати: у катеґориї борбох поєдинєчно, освоєли пейц медалї (шицки пейц бронзови медалї), док у катеґориї катох поєдинєчно, тиж освоєли пейц медалї (два стриберни и три бронзово медалї).
Каратистох на змаганю водзели тренере Михайло Орос и Милан Тасич.
Орґанизатор Вельконоцного турнира у каратеу бул КК „Славия” зоз Бачу.
