РУСКИ КЕРЕСТУР – Драмски студио „Звонимир Павлович” на одредзени способ и на керестурскей сцени предлужел давац керестурским патрачом тото цо векшина з нїх и обчекує – печац урбаного способу живота, преткани зоз рускима символами зоз прешлосци.
Текст и режию тей представи подписує Славко Винаї, а ґлумели Саша Сабадош, Ребека Планчак, Иґор Горняк, Марина Хома, Ася Папуґа и Йован Живкович. Шицки тоти ґлумци сотрудзовали зоз Звонимиром Павловичом, а тераз и зоз Славком Винайом. Зоз новосадскей камерней сцени прешли на керестурску, котра просторно векша и вимага добре обдумани мизансцен.
Мож повесц же ше у векшини тогорочних представох на Меморялу на рижни способи водзела борба медзи добром и злом, медзи културу и нє културу, гоч з яким ю меном воламе. Патраче ше приклонюю култури котра єдини способ же би ше на концу конца, виборело и зоз злом.
