НОВИ САД – У виданю НВУ „Руске слово”, а у едициї „Заградка”, тих дньох вишла сликовнїца за дзеци „Ремесла и професиї” авторки Даниели Тамаш, хтору илустровала Мария Ковачевич.
Сликовнїца „Ремесла и професиї” 9. кнїжка у едициї „Заградка”, наменєнa є дзецом возросту од трох до дзешец рокох, а у нєй представени 30 ремесла и професиї.
Нєодлуга будзе презентована своїм читачом на културней манифестациї „Костельникова єшень”.
Тоту нову едукативну и богато илустровану сликовнїцу мож купиц за 700 динари у представительствох НВУ „Руске слово” – у Новим Садзе на адреси Футожска 2, ІІІ поверх (од 9 по 14 годзин) телефон 021/6613-697. У Руским Керестуре у будинку дакедишнєй Друкарнї на II поверху и на телефон 025/51-00383 або 025/703-311 (од 9 по 14 годзин), як и прейґ колпортерох по наших местох.
Тиж так, тоту, як и други кнїжки „Руского слова” мож наручиц и прейґ сайту https://knjizkiporuski.com.
