РУСКИ КЕРЕСТУР – Тей нєдзелї у виданю керестурскей парохиї св.о. Миколая вишло фебруарске число християнского часопису „Дзвони“.
Уводна тема преглїбює вельконоцни пост, а ту и нове Слово за живот и духовна поезия. И у тим чишлє єст шведоченя як Водицова Мария помага и як мож конкретно жиц по християнски.
Од того числа буду виходзиц тексти о живоце и роботи владики Дионизия Нярадия, хтори написал дакедишнї керестурски парох о. Михайло Малацко як свою маґистерску роботу. Ту и текст з нагоди 70 рокох од уводзеня григориянского календара у керестурскей парохиї.
Призначени и подїї з церковного живота у наших парохийох – преслава Лурдескей Богородици, духовних стретнуцох за монахинї и за младих, о роботи Каритасу, о живоце наших у Канади як и други подїї зоз швета.