РУСКИ КЕРЕСТУР – Тогорочни Водицов камп за младих ше отрима од 7. по 10. авґуст, у Руским Керестуре у Водици.
Павлина Римар, єдна з орґанизаторкох, визначела же тема кампу будзе „Штерацец днї бул спокусовани од диявола”, а о нєй буду бешедовац о. Владислав Варґа, Душан Милекич, Мирослав Поничан, Александар Павлович, як и други викладаче.
На кампу ше будзе бешедовац о спокусох – чом постоя и як ше бориц процив нїх. Тиж, нащивительох обчекую и рижни други активносци, роботнї, заєднїцки бависка, лаґерни огень и „вечар Индиянцох”.
Цена кампу 3.000 динари, а можу ше приявиц шицки од законченей шестей класи и старши, по 31. юлий.
Тиж так, хто жада финансийно, лєбо на други способ помогнуц у орґанизациї Водицового кампа, як и за шицки додатни информациї, мож контактовац Маю Сопка на телефонске число 0638073970, лєбо Павлину Римар на 0645804127.