СЕНТА – Завод за културу войводянских Мадярох, нєшка орґанизує виставу „У пурпуру, у баршоню, у перловим венчику” (U purpuru, u somotu, u bisernom vencu) у своїх просторийох (Поштанска 18, Сента), на 17 годзин.
На заєднїцкей вистави будзе указане народне облєчиво националних меншинох Войводини и ручни роботи вирабяни на ремеселнїцких роботньох Войводянски мрежи „Хижи традициї”.
Главни орґанизатор Завод за културу войводянских Мадярох, суорґанизатор Учительски факултет на мадярским наставним язику зоз Суботици, Музей „Тир Иштван” зоз Баї, а партнере Заводи за културу войводянских Руснацох, Горватох, Румунох и Словацох. Програму ше реализує у рамикох ИПА Интереґ.