ДЮРДЬОВ – На Велькей Служби Божей, прешлей нєдзелї у церкви Рождества Пресвятей Богородици у Дюрдьове преславене швето Трох Святительох – Василия Велького, Григория Богослова и Йоана Златоустого. Службу служел домашнї священїк о. Михаил Холошня.
Даскельо днї пред тим шветом вирни у Дюрдьове закончели побожносц модлєня Лурдескей дзевятнїци хтору модля каждого року. Лурдеску дзевятнїцу ше модлї пред нєзаповеданим шветом Лурдескей Мариї котре пада 11. фебруара. Шицки парохиянє ше теди здогадую на дзень кед ше у Лурду Бернадети указала Мария.
