ЯКИМ ЧАПКО

Яким Чапко народзени 28. фебруара у Дюрдьове, дзе закончел Основну школу. Школу школярох у привреди закончел у Новим Садзе, а дворочну школу за ВКВ роботнїка у Темеринє. Роботни вик препровадзел у општинским комуналним подприємстве на роботним месце як машиниста пумпней станїци у Дюрдьове.

Од вчасней младосци бул активни у култури Руснацох. Ище як шеґерт у Новим Садзе бул уключени до роботи литературней и драмскей секциї у новосадскей Матки, а по законченю школованя активовал ше у КУД Тарас Шевченко, дзе є и нєшка. По тераз режирал дзевец театрални фалати за дзеци и за старших. Обявел кнїжку поезиї З оком у оку (1972) и Волай ме єшень (1976). Награду Микола М. Кочиш хтору додзелює часопис Шветлосц достал 1980. року, а награду општини Жабель за окремни успихи у култури 2000. року.