НОВИ САД – У новим 43. числу новинох „Руске словоˮ рубрика Анатомия нашого часу приноши напис з фокусом на менталне здравє, а у рубрики Тижньовнїк звит зоз означованя ювилейних 25 рокох од снованя Дружтва Руснацох у Суботици.
Рубрика Нашо места пошвецена традицийней 29. манифестациї „Срим клоб коб фестˮ, а ту и напис о вашаре у Жаблю котри отримани после трох мешацох павзи. На бокох Економиї годно пречитац о цени нафти за польопривреднїкох пред єшеньску шатву, а ту и звит зоз Новосадскей продуктней берзи.
Боки рубрики Култура и просвита пошвецени едукативному путованю наших школярох до Истанбулу, а ту и напис о шестей манифестациї „Ораховска єшеньˮ, як и о самостойней вистави подобового уметнїка Влади Нярадия у Зомборе. На бокох рубрики Людзе, роки, живот приповедка о живоце учительки Нади Колошняї зоз Руского Керестура.
Рубрика Дружтво понука шеснасте предлуженє фельтону „Як гуторя нашо дїдове – швет бул давно иншакиˮ чий автор о. Владимир Еделински Миколка, док Духовни живот приноши напис у котрим представени священїк Оливер Тантушев зоз Охриду.
Рубрика Спорт и у тим числу пише о фодбалу и резултатох яки зазаначели фодбалере по наших местох, як и о Змаганю у лапаню рибох – метод фидер у Руским Керестуре.
У новим числу вишол и додаток Руске словечко и Дом и фамелия котра пошвецена мешацу старих, а на Горуцих тепшох нови интересантни рецепти.