РУСКИ КЕРЕСТУР – Внєдзелю, 18. октобра, у Центру Йосафата у Руским Керестуре була гуманитарна акция „Робме добре вєдно”, котра тирвала од 10:00 до 13:00 годзин.
Циль тей акциї потримовка роботи Центру Йосафата, дзе ше отримую стретнуца и друженя за дзеци и одроснутих. Гуманитарна акция прешла успишно, а ш. Авґустини Илюк у орґанизованю помогли велї активисти Центру. На гуманитарней акциї були понукнути лакотки и ручни роботи.
Ш. Авґустина визначела же орґанизаторе и хаснователє активносцох у молитвох буду паметац шицких хтори потримую роботу Центру Йосафата.
