РУСКИ КЕРЕСТУР – Традицийни Жимски ноцни турнир у малим фодбалу у Руским Керестуре, того року, нажаль, нє будзе отримани.
По словох управи ФК Русин, тогорочни 4. Жимски ноцни турнир у малим фодбалу, пре нєдостаток финансийней потримовки, нє годно орґанизовац.
Финансийна помоц виостала и за лєтни турнир того року, за котри ше скорейших рокох поряднє доставало, а без такей потримовки и помоци, з власнима моцами то нє можлїве витвориц.
Як стої у обвисценю, Управа ФК Русин дзекує на порозуменю и шицкей потримовки, зоз наздаваньом же ше створя условия у будучносци же би ше ознова уживало у одличним фодбалу и же би ше традицию предлужело.