НОВИ САД – Того тижня почало ше билїц вонкашню фасаду на Конкатедралней церкви святих апостолох Петра и Павла, уход до церкви и турню.
Парох новосадски о. Дарко Рац за Рутенпрес гварел же ше у септембру положело фасаду на заходним муре церкви, цо финансоване по конкурсу зоз Министерства култури републики Сербиї.
Тераз ше обилї уходну часц и турню на будинку, средства ше достало по проєкту од Управи за културу Городу Нового Саду у софинансованю зоз Парохию святих апостолох Петра и Павла.