КУЛА – Општинска виберанкова комисия обвисцела гражданох зоз териториї општини Кула хтори нє у можлївосци гласац на виберацким месце пре чежку хороту, старосц або инвалидитет же ше за гласанє звонка виберацкого места можу приявиц Виберанковей комисиї општини Кула найскорей 72 годзини скорей гласаня, и то: 22., 23. и 24. октобра 2026. року од 8 по 22 годзин, а на дзень гласаня 25. октобра 2026. року найпознєйше по 11 годзин.
Обвисцованє Виберанковей комисиї ше окончує усмено у шедзиску Виберанковей комисиї, Ленїнова улїца число 11, Кула, або на число телефона 025/751-115, 025/751-135 и 025/751-103. На дзень гласаня 25. октобра 2026. року, за гласанє звонка виберацкого места ше мож приявиц и виберанковому одбору на виберацким месце по 11 годзин.
Под час приявйованя треба навесц мено и презвиско, ЄМЧГ, адресу пребуваня, контакт телефон и причину пре хтору особа нє може гласац на виберацким месце.