АНДРИ ГУЗДЕР БИЛЯНСКИ

Andri Huzder BiljanskiАНДРИ ГУЗДЕР БИЛЯНСКИ (Йоаким Будински) народзени  25. децембра 1927. року у Руским Керестуре. Основну школу закончел тиж у Руским Керестуре. Класичну ґимназию почал учиц у Новим Садзе, а закончел ю у Зомборе. Студиї ґерманистики закончел на Филозофским факултету у Беоґрадзе, а студирал и у Заґребе и у Нємецкей. Паралелно студирал и славистику.

Робел у Институту за експерименталну фонетику, патолоґию бешеди и виучованє странских язикох, як и у БИҐЗ-у як коректор, тиж у Беоґрадзе. У велькей босанскей металскей сараєвскей индустриї робел скоро три роки на готовеню технїчней документациї и водзел одвитуюцу преписку у тарґовини зоз шветом. Шеснац роки робел у Библиотеки Матици сербскей.

Свойо твори на руским язику почал обявйовац аж 1998. року у додат­ку „Руского слова” КУЛТ. Жил зоз фамелию у Ветернику, умар 20. юлия 1999. року у Новим Садзе.

[product_category category=”андри-гуздер-билянски”]