Вучич: Влада потрима ЕҐЗИТ

автор ртв/зам
969 Опатрене

БЕОҐРАД – После стретнуца з директором Фестивалу Еґзит Душаном Ковачевичом и городоначалнїком Нового Саду Милошом Вучевичом вовторок, 16. фебруара, предсидатель Влади Сербиї Александар Вучич гварел же Еґзит фестивал єден з найважнєйших брендох Сербиї и же Влада подпише штредньорочни контракт о сотруднїцтве и потримовки Фестивалу.

– Подпишеме штредньорочни контракт о потримовки Еґзиту на три плус три роки, же би вони могли раховац на тот пенєж и же бизме помогли ширеню Еґзиту у реґионє – гварел Вучич на конференциї за новинарох.

Вучич и Ковачевич з тей нагоди здогадли же Еґзит преглашени за найлєпши фестивал у Европи и за найлєпшу туристичну дестинацию, так же є барз важни и за розвой туризму, за економски потенциял Сербиї и обезпечованє роботи младим, як и же є єден з найважнєйших брендох Сербиї.

Премиєр додал же Фестивал Еґзит значни и за кандидованє Нового Саду за младежску престолнїцу Европи 2019. року и европску престолнїцу култури 2021. року.

ПОВЯЗАНИ ТЕКСТИ