ШИД – Предсидатель Општини Шид Предраґ Вукович штварток, 11. януара, обишол Културно-образовни центер у хторим ше закончує обнову сали.
Предсидатель Вукович ше прешвечел же роботи добре напредую и же Шидянє достану сучасну мултифункционалну салу.
Министерство за културу и явне инфомованє потримало проєкт Општини Шид под назву „Зачувайме културу Шида“ и за адаптованє спомнутей сали опредзелєло 19 милиони динари.
Шицки роботи би мали буц закончени по 26. януар, а традицийна шветочна Святосавска акдемия будзе отримана у обновеней сали.