РУСКИ КЕРЕСТУР – У змаганю младих шпивачох-аматерох за традицийни награди „Червеней ружи” – кошарку червених ружох, дзивоцку ладу и чобoьов – того року победзели Александра Русковски з Руского Керестура и Марко Буила з Коцура. Александра кошарку червених ружох и дзивоцку ладу освоєла зоз шпиванку „Най живот идзе”, а Марко чобольов зоз шпиванку „Мацерова мушкатла”.
Змаганє за найкрасши глас на 56. Фестивалє рускей култури „Червена ружа” отримане вчера, 30. юния, того року у рамикох манифестациї Фестивалу „Одгуки ровнїни” на отвореней сцени у дворе Школи „Петро Кузмяк”.
Попри спомнутих побиднїкох, змагали ше Кристина Горняк з Дюрдьова, зоз шпиванку „Мацеров благослов”; Лидия Горняк з Дюрдьова, зоз шпиванку „Цо то любов”; Себастиян Надь з Керестура зоз шпиванку „Чарни очка поце спац”; Саня Ґайдош з Коцура, з композицию „Миклошевска любов”; Єлена Горняк з Дюрдьова, з композицию „Пред нашима дзверми”; Владимир Горняк з Дюрьова, зоз шпиванку „Дюрдьове мой”, Татяна Буила з Коцура, зоз шпиванку „Валалу моєй младосци” и Арсениє Вуйович з Дюрдьова, зоз шпиванку „Моя писня”.
Жири за интерпретацию шпиванкох окреме похвалєл Кристину Горняк, Себастияна Надя и Татяну Буила.
Вецей фотоґрафиї мож видзиц у ґалериї з „Червеней ружи” на правим боку нашого сайту.