НОВИ САД – Покраїнски секретарият за польопривреду, водопривреду и лєсарство розписал конкурс за додзельованє безповратних средствох за софинансованє инвестицийох до пчоларства на териториї АП Войводини у 2017. року.
Безповратни средства наменєни за софинансованє купованя нових ройох пчолох, за цо мож достац найвецей 100 000 динари и за купованє пчоларскей опреми, за цо по конкурсу мож достац найвецей 300 000 динари. Додзелєни средства можу буц до 50 одсто вредносци цалосней инвестициї без ПДВ.
З тим конкурсом заплановане роздзелїц 4 милиони динари, та конкурс будзе отворени покля єст средства, а заключно з 15. авґустом.
Право конкуровац маю ношителє активних комерциялних польопривредних ґаздовствох котри уписани до Реґистру польопривредних ґаздовствох.
Текст конкурсу, и потребни формулари, мож найсц на веб адреси https://www.psp.vojvodina.gov.rs/upload/2017/Konkursi/2017_08_07_2017_Pcelarstvo_Konkurs.pdf.