ВЕРБАС – По сообщеню ЯКП Комуналєц Вербас, од вовторку 20. октобра мож придац вимогу за рочну квартельошску паркинґ карту за паркиранє превозкох на паркинґ местох з котрима управя тото подприємство. З тим, хаснователє годни достац нови паркинґ карти буцу важиц од 1. януара 2027. року.
Цена предплатней квартельошскей паркинґ карти 1200 динари за период од 12 мешаци, док цена мешачней карти 120 динари. Гражданє треба ше би на шалтеру пополнєли вимогу и ґу тому приложели копию особней карти и транспортней дозволи. Же би паркинґ карти були важаци од 1. януара, хасновательом ше препоручує же би вимоги поднєсли найпознєйше по 20. децембер.
Право на квартельошску паркинґ карту маю особи котри у особней карти маю приявену адресу дзе ЯКП Комуналєц окончує наплацованє за хаснованє паркинґ местох, лєм за власну превозку.
Квартельошска карта важи на паркиралїщох у рамикох дефинованого квартельского блоку, у котрим ше находзи пребувалїще хаснователя.
Вецей информациї мож достац на число телефона 021/703 462, або прейґ Виберу на число телефона 064/847 4331.