Була премиєра „Планети Норим”

автор сас
887 Опатрене

ДЮРДЬОВ – Вчера, 18. марца, у КУД „Тарса Шевченко” у Дюрдьове отримана премиєра найновшей дзецинскей представи „Планета Норим” котра поставена на текст Мирона Канюха.

Седмеро ґлумци, школяре основней школи, виведли дїло зоз значним животним порученьом, о безконєчней и безусловней любови родичох и дзецох. Же тота любов цошка окремне и красне, алє и же родичох нїхто нє може заменїц, патрачох прешвечела главна ґлумица Геленка аж кед почала жиц без родичох на нєпознатей планети Норим.

У представи ґлумели Дария Такач, Мария Горняк, Иван Хромиш, Єлена Мудри, ефект страшеня виведол Лука Кухар, сплєтаня Желяна Такач, а жаданя Елеонора Винаї. Шептач бул Иґор Салаґ, док за додатни ефекти бул задлужени Борис Хромиш, а представу режирал ЯкимаЧапка.

Представу финансийно потримали Покраїнски секретарият за културу, явне информованє и одношеня з вирскима заєднїцами, Национални совит Руснацох и Општина Жабель.

Друге виводзенє представи будзе на ютре, 20. марца, у Руским Керестуре на ювилейним 50. Драмским мемориялу Петра Ризнича Дядї, а потим наступя и у других наших местох.

20180318_183404

ПОВЯЗАНИ ТЕКСТИ