НОВИ САД – Радио-телевизия Войводини пондзелок, 26. октобра, на своєй першей програми централну информативну емисию Дньовнїк на 17 годзин почала зоз знїмками зоз преслави побиди Студентскей лїстини, а потим ше явно пребачела гражданом.
На початку Дньовнїка презентер Ґоран Ерор гварел же часц тих знїмкох Радио-телевизия Войводини у ноци виберанкох остала длужна патрачом, алє то нє єдини знїмки. „Прецихло ше, джмурало на єдно око, єднобочно информовало, нєкритично информовало. Нє поставяли ше прави питаня, а даєдни питаня нє поставени вообщени и прето зме длужни пребачиц ше патрачом”, виповедзене у програми.
Ерор здогаднул же главни и одвичательни редактор РТВ Ненад Чачич задзековал на функцию, цо була и єдна зоз главних вимогох синдикату Независносц, хтора поставена ище пред роком. На його место ґенерални директор РТВ Ґоран Караджич меновал нового о. д. главного редактора Блажу Поповича.