ОПШТИНА ШИД –У општини Шид до виберацкого списку уписани 28.901 гласач, а гласа ше на 39 виберацких местох з хторих 13 у Шидзе, а 26 у валалох општини.
По словох предсидательки Општинскей виберанковей комисиї Сладяни Маховац по 11 годзин гласали 34, 86 одсто уписаних гласачох.
Гласацки места отворени поряднє, на седем годзин и по тераз ше гласанє одвива без проблемох. По 11 годзин було приявйованє за гласанє з дому за нєрухоми особи.
На виберацким месце 39 у Руским доме у Шидзе (КПД „ Дюра Киш”), по словох предидательки Виберацкого одбору Драґани Єкич, уписани 637 гласаче, а по 11 годзин и 30 минути гласали 245 особи и нє було нїяки проблеми.
