ВЕРБАС – У рамикох програми „Помоц у подмирйованю з воду за штреднї општини у Сербиї“, хтори ше реализує з Нємецку розвойну банку (Kfw), попредсидателька Влади Републики Сербиї Зорана Михайлович подписала контракти зоз штирома општинами, медзи нїма и вербаску, вредни 17 милиони еври, пише портал вербаскей локалней самоуправи.
Предсидатель Општини Вербас Милан Ґлушац подписал контракт за 4,1 милион еври за вибудов двох єдинкох за пририхтованє води, резервоар и два цивоводи (Вербас- Коцур-Савине Село и Коцур-Змаєво-Равне Село-Бачке Добре Польо), хтори покрию територию цалей општини. Реализация того проєкту обезпечи тирваце подмирйованє з воду за шицких гражданох општини Вербас.
По контракту, 30 одсто средствох безповратне, а остаток ше почнє врацац у ратох после пейрочного ґрейс-периоду.