Ясмина Няради зоз Коцура свою любов ґу фотоґрафиї здобула ище у стреднєй школи у Зомборе. Тераз є на другим року студийох медицини у Новим Садзе, хтори кущичко буду на паузи, пре роботу фармацеутского технїчара хтору достала у Вербаше.
Як гвари, фотоґрафованє єй лєм гоби и дума же так и останє, прето же за професийну роботу нєобходна и професийна опрема.
Найволї фотоґрафовац природу, а окреме квице. Воно єй на першим месце, то ю, гвари, умирює. Дакеди и вецей як годзину фотоґрафує товаришку за Фейсбук, прето же є барз виберна :), алє єй то нє проблем.
Посилала слики на МАК-ов конкурс и раз єй фотоґрафия була обявена на муровим календаре.