РУСКИ КЕРЕСТУР – У Велькей виронаучней сали внєдзелю, 16. децембра, отримани тогорочни Крачунски вашар у орґанизациї парохийного Каритасу, хтори з оглядом на жимну хвилю бул крашнє нащивени.
На Вашаре було коло 20 викладачох, окрем з Керестура, було викладачох и з Коцура, Кули и Вербасу. По словох орґанизаторох, нащивительох було дакус менєй як влонї, алє ше на Вашаре заш лєм досц тарґовело рижни крачунски прикраски, колачи, бобальки и друге.
На Вашаре мож було дац и добродзечни прилог за фамелиї у потреби, та на тот завод назберане 2 900 динари, цо кус менєй як влонї.