Дружтво за руски язик на ютре вибере нове руководство

автор ядю
617 Опатрене

НОВИ САД – У просторийох Заводу за културу войводянских Руснацох на ютре, 14. децембра, будзе отримана 18. схадзка Управного одбору (УО) Дружтва за руски язик, литературу и културу, на 10,30 годзин.

На схадзки буду розпатрани вецей точки дньового шора, а буду представени и нови виданя Дружтва.

Нєпоштредно после схадзки УО, на 12 годзин, будзе отримана виберанкова Скупштина Дружтва, на хторей буду вибрани предсидатель Скупштини, УО, секретар и заменїк секретара Дружтва.

Як сообщело Дружтво за руски язик, литературу и културу, од 28. априла кед отримане Медзиокружне змаганє з руского язика и язичней култури тирваю Днї Миколи М. Кочиша, у рамикох хторих отримани вецей подїї. Активносци буду предлужени 14. децембра зоз представяньом тогорочних виданьох Дружтва и розписованьом Литературно-подобового конкурса за дзеци, школярох и студентох руского язика и литератури под назву „Литературна творчосц Миколи М. Кочиша”. Конкурс будзе тирвац од децембра по фебруар 2019. року.

Дружтво планує промоцию виданьох и у Вербаше, Новим Орахове и на Сайме кнїжкох у Новим Садзе.

ПОВЯЗАНИ ТЕКСТИ