Ище мож записац пакецики за Дїда Мраза

автор мар
797 Опатрене

РУСКИ КЕРЕСТУР – Пакецики, котри уж традицийно Дїдо Мраз з нагоди Нового року, приноши наймладшим Керестурцом, ище вше мож записац у просторийох Месней заєднїци (МЗ) Руски Керестур у Спортскей гали.

Бон за пакецик кошта 500 динари, а попри богатого пакецика з лакотками, МЗ опредзелєла и дополнююци средства з котрих до каждого купела и подарує по єдну дзецинску кнїжку котру видала НВУ „Руске слово”.

Дїдо Мраз пакецики подзелї пригодней програми у Велькей сали Дома култури на пияток, 28. децембра, з початком на 14 годзин.

(На насловней фотоґрафиї прешлорочна програма у керестурским Доме култури).

ПОВЯЗАНИ ТЕКСТИ