КОЦУР- У Церковней сали у Коцуре вчера, 17. децембра, отримани Крачунски вашар, котри орґанизовал парохийни Каритас, а приход будзе похасновани за потреби коцурского Каритасу.
На вашаре свойо продукти виложели и предавали коло 20 викладаче за Коцура, Вербасу, Кули и Руского Керестура.
На вашаре були понукнути крачунски прикраски, колачи, суха и орахаста овоц, маджуни и други продукти котри ше хаснує през крачунски швета.
Окрем понукнутих продуктох, нащивителє могли опатриц и виставу малюнкох „Кумових уметнїкох”, односно школярох зоз подобовей секциї Здруженя младих „КУМ”.
