РУСКИ КЕРЕСТУР – Керестурски паприґаре пондзелок 19. фебруара були на домашнїм сайму компаниї „Аґромаркет” з Беоґраду, на котри одход орґанизовало Здруженє продуковательох паприґи „Капсикуим анум”.
Паприґаре мали нагоду присуствовац даскельо науково-фаховим викладаньом, а попри тим, на сайме було вецей як 10 000 виложени продукти зоз шицких обласцох польопривреди.
Тродньови, 11. саям Аґромаркету орґанизовани од 19. по 21. фебруар, потримали го вецей як 3 000 партнерe зоз жеми и иножемства, а уход дошлєбодзени лєм з поволанку.