РУСКИ КЕРЕСТУР – Зоз Службу Божу у Малих шестрох Исусових на Циґлашоре воворок, 8. септембра, на 17 годзин вирни, почитователє и приятелє означели швето Рождество Богородици – Кирбай у Малих шестрох.
Службу служели о. Владислав Рац зоз Коцура, парох о. Владислав Варґа, о. Владимир Медєши и о. Михайло Шанта хтори наказовал. Апостол читал Янко Цап, а шпиванє предводзела Лидия Пашо.
После служби шицки вирни ше подружели, як то уж и звичай у Малих шестрох, подзелєли свойо упечатки у друженю зоз шестру Мартину, шестрами Служебнїцами, парохом, панїматку и другима котри були на служби.
