БЕОҐРАД – Министерство польопривреди розписало конкурс за потримовку младим польопривредним продуковательом, а термин за прияви од 8. мая по 8. юний того року. Конкурс ше одноши на прияви за потримовку програмом за унапредзенє квалитету живота у руралних штредкох.
Стимулация виноши 75 одсто од вредносци прилаплївей инвестициї, а найвисша сума хтору хаснователь може витвориц у єдним календарским року милион 200 000 динари.
Стимулациї наменєни за розвой и унапредзенє примарней польопривредней продукциї, розвой статкарскей продукциї, преробок млєка и за розвой преробку желєняви и овоци на польопривредних ґаздовствох младих польопривреднїкох.